Aktuelt - Ivar Aasen-tunet
Søndag 4. desember er det familiedag med juleverkstad og adventsstund i Ivar Aasen-tunet. Boka "Himmelspringaren" av Sissel Horndal vil vere ei ramme for førjulsstunda i Salen og gir inspirasjon til fleire av verkstadene.
Vi har ope til og med vesle julaftan. Kom innom for ein roleg julehandel, ein kopp kaffi eller ein tur i julehefteutstillinga.
Laurdag 12. november er det 150 år sidan biskop Peter Hognestad blei fødd på Jæren. Det blir feira laurdag med bokpremiere i Garborgsenteret, festmiddag hos Jærkokken og jubileumsgudsteneste i Time kyrkje søndag med Hognestads liturgi frå 1907.
Hundre tilsette frå seks barnehagar i Ørsta – Kvitveisen, Rystene, Krokedagen, Vartdal, Hovdebygda og Barnas Vel – var samla i Ivar Aasen-tunet onsdag kveld til eit seminar om lesing i barnehagen og dei nynorske barnebøkene.
Svar til Arne Waage i Sunnmørsposten 17.10.16
Kronikk om språket i den nye Vestlandsregionen, skriven av rådsordførar Øystein Vangsnes og styreleiar Lodve Solholm i Nynorsk kultursentrum. Publisert av Bergens Tidende måndag 3. oktober.
Felles for alle dei som har flytta til Noreg, er at dei skal lære det norske språket, skriv Birgitte Fondevik, førstelektor i norsk som andrespråk ved Høgskulen i Volda.
Fylkestinget i Møre og Romsdal har gode grunnar for å føre vidare Møre og Romsdal som det viktige nynorskfylket. Å halde fast ved nynorsk som administrasjonsspråk her i nordvest handlar om identitet, folkestyre og å skrive så folk forstår.
Nynorsk kultursentrum takkar for høyringsdokument i planprosess for museumsplan for Møre og Romsdal. Det er positivt at fylkeskommunen ønskjer direkte kontakt med dei institusjonane saka gjeld, og vi har arbeidd grundig med dokumentet. Saka har vore drøfta av alle tilsette, den utvida leiargruppa og rådet før styret vedtok denne fråsegna i møte 11.4.2016. Fråsegna sluttar med ein oppsummerande konklusjon.
Kulturskulane i Ørsta og Volda samarbeider med Ivar Aasen-tunet om eit nytt fagleg tilbod. Frå hausten kan ungdom også velje «Skapande skriving».
Nestleiar Grete Riise ved mottaking i Domus Bibliotheca, Oslo 9.3.2016
Vårprogrammet i Aasen-tunet er klart med første arrangement torsdag 4. februar. Symra kjem ikkje lenger i alle postkasser, men ønskjer du å få bladet tilsendt, kan du fylle ut skjemaet under.
Tysdag kveld 9. februar opnar Peter Hognestad-jubileet 2016 med ein stor kulturkveld i Bryne kyrkje i regi av Time historielag og Bryne sokneråd.
Ivar Aasen-tunet og Festspela er med på laget når Ørsta Næringskontor inviterer til Næringskonferansen på Søre Sunnmøre 17. mars.
Ruth Lillegraven skal vere festspeldiktar og tema for året er Morsmål når Dei nynorske festspela blir arrangert for 25. gong 23.–26. juni 2016. Festspela er fire dagar med 40-50 arrangment som femner om litteratur, musikk, foredrag, debattar og familiearrangment i Ivar Aasen-tunet og rundt om kring i vertskommunane Ørsta og Volda.
No blir Lurivar sitt utandørs barnebibliotek tilgjengeleg på utescena i Aasen-tunet heile vinteren.
Med nettstaden Vinjesenteret.no i drift om ein månad tek Vinje-senteret eit stort steg vidare mot realisering.
Berge Furre (1937–2016) var den skriftlærde bodberaren som skreiv noregshistorie og sjølv skreiv historie.
Prisen Årets museum 2015 kom som ei stor og gledeleg overrasking for Nynorsk kultursentrum. – Svært gledeleg er det også at arbeidet med å sikre framtida til språksamlingane nådde fram og at første driftsåret til Olav H. Hauge-senteret innfridde måla, seier direktør Ottar Grepstad i Nynorsk kultursentrum.
Symra kjem i oppussa utgåve frå januar 2016. Frå 2016 legg vi også om distribusjonen og sender ikkje lenger uadressert reklame.
– Jon Fosse diktar sine eigne vegar, og Nynorsk kultursentrum med alle sine 24 stiftarar gratulerer han hjarteleg med Nordisk råds litteraturpris! seier direktør Ottar Grepstad etter at Fosse fekk prisen i Reykjavík tysdag kveld.
Det har gått 15 år sidan Ivar Aasen-tunet opna dørene i Hovdebygda. Kvart einaste år har det kome nye temautstillingar. No blir utdrag frå nesten alle utstillingane viste i basisutstillinga.
Brev sendt frå Nynorsk kultursentrum til Kunnskapsdepartementet 26.10.15.
– Nynorsk kultursentrum har mykje ugjort, og vi leitar heile tida etter ulike pengekjelder, men dette kulturbudsjettet bremsar viktige prosjekt som er i arbeid, seier styreleiar Lodve Solholm.
Boknatt med jazz frå Karl Seglems akustiske kvartett blir høgdepunktet i Ivar Aasen-tunet i haust. I år spenner programmet seg frå broderikafé via forsking og skrivereglar til familiedagar med eventyr og verkstader. Noko for ein kvar smak, med andre ord.
Tunkatten Lurivar har laga sju nye utebibliotek til born på Søre Sunnmøre og i Nordfjord til sommarferien. Prosjektet er eit samarbeid mellom Ivar Aasen-tunet og sju kommunar i regionen i Friluftsåret 2015.
19. juni opna ei ny temautstilling om reklamespråk i Ivar Aasen-tunet. Og anten du likar reklame eller ikkje, er det iallfall lett å vere samd i at reklamen påverkar oss.
– «Språkfakta 2015» inneheld mykje som ingen før har sett eller som få har visst. Det er så vidt eg greier å få med meg alt sjølv, seier direktør Ottar Grepstad i Nynorsk kultursentrum.
Tidlegare i år vedtok kommunestyra i Skjåk, Lom og Vågå samrøystes å godkjenne ein intensjonsavtale med Nynorsk kultursentrum om utvikling og drift av Diktarhuset i Lom. Måndag 24. august signerte partane avtalen i Geiranger.
Nynorsk kultursentrum er nominert til Årets museum 2015. Dei to andre nominerte er Munchmuseet og Nordnorsk Kunstmuseum.
Vinnaren blir kåra under det nordiske museumsmøte på Hamar 9. september.
Brit Bildøen fekk P2-lyttarane sin romanpris for den siste romanen sin. No er ho presentert i Forfattarrommet i Ivar Aasen-tunet, saman med fire andre forfattarskapar.
– Ivar Aasen-tunet i Ørsta er det eldste språkmuseet i verda. Det blei opna i 1898 som eit museum over Aasens liv og verk, og blei i 2000 omforma til det moderne Ivar Aasen-tunet, fortel direktør Ottar Grepstad.
Kronikk i Klassekampen måndag 20. april av Ottar Grepstad, direktør i Nynorsk kultursentrum.
Festspela har eigen nettstad med alt du treng å vite. Du kan også følgje Dei nynorske festspela på Facebook. Velkomen til Ivar Aasen-tunet 25.–28. juni 2015!
Nynorsk kultursentrum fekk eit overskot på 921 000 kroner i 2014 og har no ein eigenkapital på nær 2,9 millionar.
Kronikk av Lodve Solholm, styreleiar Nynorsk kultursentrum. Publisert i Bergens Tidende onsdag 25. februar.
Brev frå Nynorsk kultursentrum til Universitetet i Oslo 19. februar 2015
Det nynorske, digitale oppslagsverket Allkunne tek over NRK Fylkesleksikon for Sogn og Fjordane med om lag 7000 artiklar og over 14000 bilete.
Ørsta Mållag, Ørsta kommune og Nynorsk kultursentrum gjentek suksessen frå i fjor og gir framsyninga «Oppdrag alfabet!» i gåve til fem- og seksåringane i Ørsta kommune.
Brev frå Nynorsk kultursentrum til Kulturdepartementet 29.1.2015.
Den ellevte årgangen av den viktige landsmålsavisa Fedraheimen er no tilgjengeleg i fulltekstformat.
– 2014 blei eit nytt godt år for Nynorsk kultursentrum, seier direktør Ottar Grepstad.
– No må ingen leiarar ved Universitetet i Oslo snakke ned verdien av innsatsen til dei tilsette ved språksamlingane og Norsk Ordbok, seier styreleiar Lodve Solholm i Nynorsk kultursentrum.
Over 350 born frå 26 ulike barnehagar i regionen tok onsdag del i opninga av den årlege barnekunst-utstillinga i Ivar Aasen-tunet.
– Vi har eit breitt utval varer ingen andre har, og eit stort utval i nynorsk musikk og litteratur for born og vaksne, seier Opedal. Mange av varene får du berre i butikken i tunet og i nettbutikken Handlenett.no.
– Norsk Ordbok og språksamlingane ved Universitetet i Oslo bør bli eit nasjonalt fellesføretak slik Artsdatabanken er det, seier direktør Ottar Grepstad i Nynorsk kultursentrum. På eige initiativ og i samråd med fleire universitet og høgskular har Nynorsk kultursentrum levert ei utgreiing til Kulturdepartementet om kva som bør gjerast når Universitetet i Oslo neste år avviklar sitt arbeid med språksamlingar og ordbøker.
– Budsjettforliket inneber 2,2 millionar kroner til Nynorsk avissenter i Førde. Saman med endringane i pressestøtta, innkjøpsordningane for barnelitteratur og NRK-lisensen er dette ein viktig pluss for nynorskbrukarane.
Brev frå Nynorsk kultursentrum til Bibsys 5.11.2014.
Nekrologane over Ivar Aasen som stod på trykk i Verdens Gang og Aftenposten etter språkforskaren sin død, er no tilgjengelege på aasentunet.no.
Samrøystes vedtak i Nynorsk forum 16.10.2014
Nynorsk kultursentrum får 17,8 millionar kroner i driftsmidlar i framlegget til statsbudsjett for 2015. Dette er vel 300 000 kr eller 1,9 % meir enn i år, men mindre enn den venta pris- og lønsveksten.
Eit samrøystes hovudutval for kultur i Telemark fylkeskommune har vedteke at Telemark fylkeskommune skal bli medstiftar i Nynorsk kultursentrum.
Styret i Nynorsk kultursentrum har i møte 25.9.2014 drøfta høyringsutkastet Premiss: kultur. Regional kulturplan for Hordaland 2015–2025.
– Vinje kommune meiner alvor når vi no set i gang arbeidet for å skape eit Vinje-senter for dikting, journalistikk og språkleg mangfald. Med Nynorsk kultursentrum har vi fått den samarbeidsparten vi ønskte, seier ordførar Arne Vinje.
Meir enn 4400 var med på opninga av Olav Hauge-senteret og arrangementa under Ulvik poesifestival i Ulvik denne helga. – Eit betre grunnlag kunne ikkje dette nye nasjonale senteret for lyrikk i mange former ha fått, og desse dagane syner korleis Hauge-senteret og Ulvik poesifestival styrkjer kvarandre, seier direktør Ottar Grepstad i Nynorsk kultursentrum. – Vi meinte vi hadde eit godt program, men vi ante ikkje at publikum ville ta det så godt imot.
Torsdag 14. august ville Sverre Fehn fylt 90 år. Artikkelen er skriven av Ottar Grepstad for Dag og Tid til opninga av Arkitekturmuseet i Oslo i mars 2008.
– Torsdag opnar Olav H. Hauge-senteret i Ulvik med eit komplett publikumstilbod. Dermed får Noreg eit nytt litterært museum, og det er noko så sjeldan som eit internasjonalt senter for lyrikk i mange former, seier direktør Ottar Grepstad i Nynorsk kultursentrum.
Oslo Aps programkomité vil fjerne både sidemålskarakter og sidemålseksamen i programutkastet før kommunevalet i 2015. Direktør Ottar Grepstad i Nynorsk kultursentrum har følgjande kommentar:
– Alt medan Ivar Aasen var i arbeid, blei han omtalt i mange land. Dei omtalane blei kjende i Noreg og prega også nordmenns oppfatning av Aasen. Han fekk tidleg offentleg omtale og blei først kjend for det han skulle utrette, ikkje for det han hadde gjort.
Korleis heng demokrati og språk saman? Finst det samfunn i verda der språkbarrierar står i vegen for eit godt demokrati? Og korleis er no eigentleg stoda i Noreg på dette punktet, før og i dag? Den nye temautstillinga set språk og makt under lupa.
Ein nettstad om 1814-hendingane i Møre og Romsdal vart lansert i vinter, og er framleis aktuell. Gjennom www.1814mrfylke.no vil publikum bli kjende med 1814-hendingane i eit regionalt perspektiv i Møre og Romsdal.
Styret i Nynorsk kultursentrum drøfta i møte 13. juni 2014 utgreiinga frå Medietilsynet om tilskot til vekeaviser. Vi framhevar i denne høyringsfråsegna prinsippet nynorsk, kvalitetskravet og plassering av ordninga.
Brev frå Nynorsk kultursentrum til Kulturdepartementet og Kunnskapsdepartementet.
– Når Stortinget i dag vedtek Grunnlova på moderne nynorsk, bind dei det folkevalde språket nynorsk uløyseleg til framtida. Berre jamstillingsvedtaket frå 1885 er viktigare enn dette. Vi takkar dei som dreiv fram saka og dei som snudde i tide, seier ein nøgd direktør Ottar Grepstad i Nynorsk kultursentrum.
Brev frå Nynorsk kultursentrum til Kontroll- og konstitusjonskomiteen, Stortinget.
Brev frå Nynorsk Forum til kontroll- og konstitusjonskomiteen på Stortinget.
Ivar Aasen kom på 4. plass i VG si kåring av viktige nordmenn etter 1814. VG har teke mål av seg å rangere dei 100 nordmennene som har hatt størst betydning for utviklinga av det norske samfunnet dei siste 200 åra. Når lesarane no har sagt sitt, står Aasen igjen som den viktigaste kulturpersonlegdomen.
– Eg er veldig glad for å få vere styreleiar for ein kulturinstitusjon i så positiv utvikling og med så store oppgåver som Nynorsk kultursentrum står overfor. Det seier Lodve Solholm etter at styret i Nynorsk kultursentrum tysdag valde han til ny styreleiar etter Reidar Sandal. Samstundes blei Grete Riise vald til ny nestleiar.
Den internasjonale morsmålsdagen 21. februar har vore markert heilt sidan 2000.
Det var ein ung diktar som stakk av med sigeren i Aasen-tunet sin diktkonkurranse.
Kafeleiar Milan Ilic er godt nøgd med responsen på Smak 2014, 4.-7. februar 2014.
Kva har Linda Eide og Ivar Aasen til felles? Kan kåseriet Oddgeir Bruaset skreiv om eit Bjørnson-sitat ha medverka til at han blei NRK-journalist? Og kva har Lucky Luke med festspeldiktar Agnes Ravatn å gjere?
Onsdag 15. januar var det premiere på Oppdrag alfabet! i Barnas Vel i Ørsta.
– 2013 blei eit jubelår for Nynorsk kultursentrum, seier direktør Ottar Grepstad.
Hovdebygda, 13. januar 2014
Klasse 10A frå Volda ungdomsskule var først ute då "Snakk om språk!" vitja Aasen-tunet måndag 9. desember. Totalt vil 250 elevar frå 10. trinnet på ungdomsskulane i Ørsta og Volda besøke Aasen-tunet og "Snakk om språk!" denne veka.
Her er nokre vakre smakebitar frå barnekunstutstillinga, som opna torsdag 5. desember.
«Året som aldri sluttar» er tittelen på avslutningsprogrammet for Språkåret fredag 6. desember i Ivar Aasen-tunet i Ørsta. – Vi skal vise kva vi har gjort, peike på den store samanhengen mellom språk og demokrati, og vi skal svare på spørsmålet om Språkåret verka, seier prosjektleiar Inger Johanne Sæterbakk.
Torsdag 5. desember står nynorske barne- og ungdomsbøker i sentrum i Ivar Aasen-tunet. Formidlar Anne Marta Vadstein gir tips til gode nynorske barne- og ungdomsbøker, og butikken held langope til kl. 21.00 med fleire gode tilbod.
Ein god dag kjem aldri for tidleg er framsyninga som heidrar Ivar Aasen, Valkyrien Allstars, Stein Torleif Bjella, Side Brok, Bjørn Eidsvåg, Kjartan Fløgstad og Marie Takvam, og som med ein god dose humor kjeklar seg gjennom ei rik samling litterære perler. Søndag 24. november kjem kabareten til Ivar Aasen-tunet. Det vil du ikkje gå glipp av!
I oktober gav Ragnhild Tunheim Huse frå Ørsta ut boka Får eg lov? Ein vals med Ingrid, verdas beste storesøster. Boka handlar om storesøstera Ingrid som har Downs syndrom. Søndag les forfattaren frå boka i Aasen-tunet, og fortel om kvifor ho måtte skrive den. Ingrid Karin Tunheim les dikt og Miriam Hammarstrøm syng songar av svenske Lina Sandell. I butikken vert det utstilling og sal av boka og ko:ko-kjolen med vers av Ivar Aasen.
Det blir kjærleik, drama og ein god dose humor når Agnes Ravatn, Ragnar Hovland og Øystein Orten møter Geir Hjorthol og publikum onsdag 20. november.
21.-23. oktober var det endeleg tid for Nynorsk barnebokveke. Med bilen full av bøker la gjengen ut på rundtur i fylket, med stopp på folkebiblioteka i Herøy, Vestnes og Fræna. Der møtte dei lærarar, barnehagetilsette, bibliotekarar og foreldre, alle klare for å lære meir om den nynorske barnelitteraturen.
150 år etter at Ivar Aasen gav ut diktsamlinga Symra, har Terje Aarset laga eit prakteksemplar av ei ny utgåve. Søndag fortel han om boka i samtale med Terje Kjøde, til musikalsk tonefølgje av Roar Goksøyr Lillebø.
Ein mørk og stemingsfull lydsti, heimelaga graskarsuppe og tre aktuelle krimforfattarar møter deg i Aasen-tunet fredag 1. november kl. 21. Det er duka for ein kriminell heilaftan. Servering av graskarsuppe frå kl. 20.
– På nokre kritiske punkt er regjeringserklæringa meir nynorskvenleg enn venta, men dei vil oppløyse lov om målbruk i offentleg teneste. Eit så umoderne tiltak skrur klokka 150 år tilbake i språkpolitikken, seier direktør Ottar Grepstad i Nynorsk kultursentrum.
Vi gjentek suksessen frå i fjor! I år er det biblioteka i Herøy, Vestnes og Fræna som får besøk av gjengen frå Nynorsk barnebokveke. 21.– 23. oktober skal forfattar Erna Osland og formidlar Janne Karin Støylen ved Nynorsksenteret besøkje utvalde bibliotek i Møre og Romsdal.
Etter å ha gitt ut biografien om Ivar Aasen og ei kalenderbok om all verdas språk er Ottar Grepstad no ute på ein ambisiøs bokturné i inn- og utland. Med bilen full av bøker vitjar han heile 30 stader i haust for å fortelje om og lese frå dei nye bøkene.
– Alle partigruppene i det nye Stortinget vil ha viktige nynorskpolitikarar. Dei partia som har programfesta den mest positive nynorskpolitikken, gjorde til saman eit godt val. Nynorsk kultursentrum ønskjer eit godt samarbeid med alle partia i Stortinget, seier direktør Ottar Grepstad i ein kommentar til stortingsvalet.
Sjølvplukka sopp kan gi deg mange smakfulle haustrettar, men du må vere sikker på at det er trygt å ete soppen du har plukka. Søndag 15. september arrangerer Ivar Aasen-tunet soppdag med turleiar og soppkontroll.
Onsdag 4. september kl. 10.00 lanserte Posten Norge to nye frimerke med Ivar Aasen og Det Norske Teatret.
Ottar Grepstads biografi om Ivar Aasen gjekk rett inn på bestseljarlista utgjevingsveka, og klatra i si andre veke frå ellevte til tredjeplass på lista. Boka vart lansert 1. august og har fått strålande kritikkar. Biografien markerer 200-årsdagen til Ivar Aasen.
I tida framover kjem vi til å leggje ut videoar der partileiarar og representantar frå dei politiske partia snakkar om verdien av nynorsk.
Her legg vi ut bilete frå jubileumsarrangementa i Aasen-tunet. Vi publiserer også innlegg, talar, videoar og foredrag frå dei som hadde manus, og som har gjeve løyve til dette.
– Vi vil takke folk over heile landet for at Ivar Aasen fekk den 200-årsdagen han fortente, seier direktør Ottar Grepstad i Nynorsk kultursentrum. – Det har bobla i alle sosiale medium desse dagane, folk flagga for Aasen i nord og sør frå fjell til strand, og heile det politiske Noreg har forplikta seg til vidare arbeid for nynorsk.
Torsdag 8. august 2013: I dag er det 200 år sidan Iver Andreas Aasen blei døypt i Ørsta kyrkje.
– Den nynorsken Ivar Aasen skapte, er blitt eit nasjonalspråk. Som eit mindre brukt språk treng nynorsken å bli løfta politisk, og det må vere eit mål for språkpolitikken at fleire skal halde på og velje å skrive nynorsk, seier leiar Marit Aakre Tennø i Noregs Mållag. Ho er svært glad for at Noregs Mållag og Nynorsk kultursentrum til 200-årsdagen for Ivar Aasen legg fram ei erklæring i 21 punkt om nynorskpolitikk for det 21. hundreåret.
Måndag 5. august, 200-årsdagen til Ivar Aasen, publiserte vi nærare 150 brev til Ivar Aasen som aldri har vore digitaliserte eller transkribert før.
– Vi oppmodar folk over heile landet til å flagge for Ivar Aasen måndag 5. august, seier direktør Ottar Grepstad i Nynorsk kultursentrum. Den dagen er det 200 år sidan språkforskaren og diktaren blei fødd. 200-årsdagen blir opna med blomeseremoniar ved statuar og graver i Oslo, Volda og Ørsta, og i USA.
