FESTSPELA

Koparsongar

Laurdag 12. juni, kl. 21.00

NyNorsk Messingkvintett
NyNorsk Messingkvintett. Foto: Anna-Julia Granberg, BLUNDERBUSS

NyNorsk Messingkvintett, Per Arne Glorvigen og Kjartan Fløgstad. Oppvarming med utdrag frå prosjektet Montasjar, med Geir Hjorthol, Andreas Barth, Magnar Åm, Tyler Sparks og Einy Åm Sparks.

Canciones de cobre er ein hyllest til folkekulturen og kvardagssheltane på det latinamerikanske kontinentet. Gjennom ord og tonablir det formidla dramatiske forteljingar om gruvearbeidarar som blir stengt inne, flyktningar som druknar i forsøket på å nå USA, om murbygging og om opprør. Kjartan Fløgstad har skrive teksten, og musikken er komponert av Per Arne Glorvigen. Med seg på scenen har dei NyNorsk Messingkvintett, som bidreg med djupe messingtonar, skingrande tropisk trompet og heftige danserytmerBu deg for en skikkelig latinamerikansk messingfest!

Montasjar. Foto: Tyler Sparks

Montasjar er eit tverrkunstnarleg prosjekt der musikk, dans og film går i møte med ein særeigen del av den kystnære industrihistoria; produksjonen av båtmotarar og gir ved Volda Mekaniske Verkstad. Gjennom å flette saman filmbilder og lydopptak frå industriproduksjonen med musikken og dansen, skapast eit verk der kunst og industri møtest og blir til ein dynamisk heilskap, ein samla montasje. Framsyninga har premiere til hausten.

Prosjektet er utvikla i samarbeid med Brunvoll Volda AS og støtta av Norsk kulturfond, Sparebankstiftelsen, Fond for lyd og bilde og Sparebank 1 Søre Sunnmøre.

Har du spørsmål om billettar, kan du sende ein e-post til billett@nynorsk.no. Merk e-posten med Festspela.

Type:
Konsert

Tid:
Laurdag 12. juni, kl. 21.00

Stad:
Ørsta kulturhus

Pris:
Vaksen 325

Ungdom 225

Redaktør: Maria Fet

Ansvarleg redaktør: Per Magnus F. Sandsmark

Nynorsk kultursentrum © 2020 Alle rettar
Personvern/  Vilkår for bruk