Bok og bakverk NETT foto Aasen-tunet.jpg
Foto: Aasen-tunet

Bok og bakverk: Kvinnedagen

Når:
Kvar:
Kafeen, Ivar Aasen-tunet
Vaksen
GRATIS

Det skal handle om dei første kvinnelege nynorskforfattarane når Ivar Aasen-tunet markerer kvinnedagen fredag 8. mars. I kafeen kan du kjøpe kaffi og fersk bakst.

– Det å få fortelje om dei første kvinnelege røystene på nynorsk, er noko eg har hatt lyst til lenge, seier bibliotekar i Aasen-tunet Siri Beate Gjerde.

Dei første kvinnelege nynorskforfattarane gjorde seg gjeldande på slutten av 1800-talet, både i skjønnlitteratur og sakprosa. Kven var dei, kva skreiv dei om og korleis blei dei omtala jamført med dagens kvinnelege forfattarar? På Bok og bakverk vil bibliotekaren prøve å svare på desse spørsmåla, presentere fleire forfattarar og lese frå det dei har skrive.

Hulda Garborg og Marta Steinsvik var to av dei som bidrog både i bøker og aviser. Gjerde vil også fortelje om dei kjende kvinnene Dorothe Engelbretsdatter og Aasta Hansteen. Vår eigen lokale Berte Kanutte Aarflot, som gav ut sju bøker mellom 1820 og 1853, og Birgitte Kühle, som gav ut sitt eige tidsskrift i 1794, blir også omtala.

Neste gong, 10. mai, vil direktør Per Magnus F. Sandsmark og bibliotekar Siri Beate Gjerde syne fram nynorsk barne- og ungdomslitteratur med skeive hovudpersonar. Arrangementet er i samarbeid med Bygdepride. Les meir