Dette er eit digitalt arkiv med over 1030 faglitterære og skjønnlitterære tekstar av minst 141 forfattarar i tillegg til avdelingar med Songar og Andre tekstar. Dei fleste forfattarane blir presenterte med ein kort forfattaromtale.
Arkivet er stadig under oppbygging og inneheld hovudsakleg tekstar som har falle i det fri, noko som vil seie at opphavspersonane har vore døde i 70 år eller meir. Vi har også i nokre tilfelle fått løyve til å bruke tekstar som enno ikkje er sleppte fri. I 2010/2011 vil det digitale arkivet bli utvida med utdrag frå tekstar av 33 nolevande forfattarar.
Avisa Fedraheimen (1877-1891) blir digitalisert i eit samarbeid mellom Norsk Ordbok 2014 og Nynorsk kultursentrum. Prosjektet blir grundig omtalt i avdelinga Fedraheimen, der det også er mogeleg å gå inn i avisartiklane via årgangane. I tillegg finst det eit eige søkjefelt for Fedraheimen i menyen til venstre.
Opphavsrett
Dokument og tekstar i det digitale arkivet er publiserte for ikkje-kommersiell bruk. Nynorsk kultursentrum publiserer tekstane i samsvar med lov om åndsverk. Det inneber at kven som helst fritt kan publisere tekstar av opphavspersonar som har vore døde i 70 år eller meir. I nokre tilfelle har vi ikkje greidd å finne fram til den som forvaltar opphavsretten i dag. Desse tekstane er merkte med ©. Vi bed om at rette vedkomande kontaktar oss i slike tilfelle.
200 tekstar og 50 forfattaromtalar er henta frå Den elektroniske bokhylla, ein nettstad bygd opp av Jon Grepstad på frivillig basis frå 1996. Innhaldet blei overteke av Nynorsk kultursentrum i november 2002. Forfattaromtalane er utarbeidde av Jon Grepstad (signatur JG) og Nynorsk kultursentrum.
