No reiser kvelden seg | | | | Av Olav Nygard
No reiser kvelden seg i vesterbrun,
han trør på lette føter gjenom tun
og skuggeveven fjell-imillom hengjer.
Det gjeng ei kviskring gjenom kjørr og lyng,
og talatrasten skifter ljod og syng
med avdagsskjelven under sine strengjer. Men dagen tek sin gangar fast i taum,
tek ferdakåpa på med gullrend saum
og burt frå blåne etter blåne skundar.
Det gular gjenom svale dal og lid
der skuggen ventar natta, brura si,
og ør i sine elskhugsdraumar blundar. Med linne andardrag stig natta inn,
med myrke lokkar kringum hals og kinn
og herdaduk av alvelette eimar.
Og kløkke lundar, æolsharpe-klang,
ris bljugt som gjenteborn or moderfang
og sviv på lettan fot i svale heimar. Det gjeng ein sælebiv imillom fjell
so fræa emnar seg og hamsar fell
og undrings-øre augo upp seg vender.
Or djupe himlar slær ein båregong
av evig skapings-gir og sfæresong
som helsar frendeblidt mot døkke strender.
Frå Ved vebande, 1923. Elektronisk utgåve 2000 ved Jon Grepstad
|  |
|  | |
 | | Tunpølse frå Åsen | | Onsdag 17. april lanserte Aasen-tunet ei eigenutvikla spekepølse, tunpølse frå Åsen. Spekepølsa har ein sydlandsk smak av mellom anna fersk chili og timian, og eignar seg godt til tapas, som pålegg og pizza. |
| | Grenselaust festspelprogram i Språkåret 2013 | | Tre unge, talentfulle festspelforfattarar har selskap av mellom andre Vamp og Are Kalvø i eit festspelprogram som strekkjer seg både over landegrenser og norske språkgrenser i jubileumsåret for Ivar Aasen. Her er det overraskingar både i innhald, utøvarar og arenaer blant dei meir enn 40 arrangementa i Språkåret 2013. |
| | Programslepp med festspeldiktarane 10. april kl. 20.00 | | Årets tre festspeldiktarar Lars Petter Sveen, Guri og Sigrid Sørumgård Botheim kjem til Aasen-tunet onsdag 10. april i samband med programsleppet for Dei nynorske festspela. Denne kvelden får publikum høve til å bli betre kjende med dei allsidige forfattarane og dei får samstundes presentert programmet for Dei nynorske festspela 2013. Arrangementet er gratis. |
|
| 
RSS
| | |
 | | 5. februar | | Godt verktøy | | Godt verktøy er halve jobben, blir det sagt. |
|
|
 | | 22. mai 1870 | | Heggen begyndt at blomstre. | |
|
|
