Aurora Stråbø og Sofie Hjertvik har valt ein miljøvenleg måte å kome seg rundt på i russetida, på eigne russesyklar.
Med reklameplakat for Aasen-tunet godt synleg på sykkelkorgene, syklar dei til og frå Volda vidaregåande skule på raudmåla syklar som er innkjøpte til russetida.
Det har blitt nokre turar mellom Volda og Ørsta, men langturar til russetreff har dei prioritert vekk. – Klassekameratane forstår ikkje heilt at vi orkar, men vi synest dette berre er kjekt, seier dei to spreke jentene.
Aasmund Nordstoga er først ute på haustprogrammet til Ivar Aasen-tunet. Onsdag 15. september kjem han til tunet med sine populære versjonar av songar frå den norske viseskatten. Ragnhild Hemsing, Edvard Hoem, Olav H. Hauge og Donald Duck er andre namn på den varierte haustmenyen i Aasen-tunet.
Jon Fosse-arkivet er klar til bruk. Fredag 10. september får Jon Fosse Den internasjonale Ibsenprisen. Same dagen er forfattarens eige klipparkiv saman med mykje korrespondanse, foto og anna materiale sortert på enkelt vis og tilgjengeleg i Ivar Aasen-tunet.
